നഴ്സിങ്​ സമരം പരിഹരിക്കാത്തതിനെതിരെ യൂത്ത് ലീഗ് പ്രതിഷേധം

കോഴിക്കോട്: ഒരു മാസക്കാലമായി വിവിധ ആവശ്യങ്ങൾ ഉന്നയിച്ച് സമരംചെയ്യുന്ന നഴ്സുമാരുടെ ആവശ്യങ്ങൾ പരിഹരിക്കാത്ത സർക്കാർ നിലപാടിനെതിരെ യൂത്ത് ലീഗ് ജില്ല കമ്മിറ്റി പ്രതിഷേധിച്ചു. സമരം അടിയന്തരമായി പരിഹരിക്കണമെന്ന് യൂത്ത് ലീഗ് സംസ്ഥാന പ്രസിഡൻറ് മുനവ്വറലി ശിഹാബ് തങ്ങളും ജനറൽ സെക്രട്ടറി പി.കെ. ഫിറോസും ആവശ്യപ്പെട്ടു. പ്രകടനം ലീഗ് ഹൗസ് പരിസരത്തുനിന്നും ആരംഭിച്ച് കിഡ്സൺ കോർണറിൽ സമാപിച്ചു. സമാപന സംഗമം എം.എസ്.എഫ് സംസ്ഥാന പ്രസിഡൻറ് മിസ്ഹബ് കീഴരിയൂർ ഉദ്ഘാടനം ചെയ്തു. മലപ്പുറം ജില്ല കമ്മിറ്റിയുടെ ആഭിമുഖ്യത്തിൽ ടൗൺഹാൾ പരിസരത്തുനിന്നു ആരംഭിച്ച ഐക്യദാർഢ്യ പ്രകടനം കെ.എസ്.ആർ.ടിസി പരിസരത്ത് സമാപിച്ചു. സമാപന സംഗമം മുസ്ലിം യൂത്ത് ലീഗ് സംസ്ഥാന സീനിയർ വൈസ് പ്രസിഡൻറ് നജീബ് കാന്തപുരം ഉദ്ഘാടനം ചെയ്തു.