വിവാഹവാഗ്ദാനം നൽകി ദലിത് യുവതിയെ തട്ടിക്കൊണ്ടുപോയി പീഡിപ്പിച്ചതായി പരാതി

അത്തോളി: . ബന്ധുക്കളുടെ പരാതിയില്‍ എറണാകുളം സ്വദേശി ഷാജഹാനെതിരെ അത്തോളി പൊലീസ് കേസെടുത്തു. അത്തോളി സ്റ്റേഷന്‍ പരിധിയിലെ 24 വയസ്സുള്ള യുവതിയുടെ ബന്ധുക്കളാണ് പരാതി നൽകിയത്. ഫോണിലൂടെയുള്ള പരിചയത്തെതുടർന്ന് യുവതിയോട് കോഴിക്കോട് പുതിയ ബസ്സ്റ്റാൻഡിലെത്താന്‍ ആവശ്യപ്പെട്ടു. എറണാകുളത്ത് കൊണ്ടുപോയി പീഡിപ്പിച്ചശേഷം വീണ്ടും കോഴിക്കോട്ടെത്തിച്ച് മുങ്ങുകയായിരുന്നു. എറണാകുളം ജില്ലയിലെ വിവിധ സ്റ്റേഷനുകളിൽ ഇദ്ദേഹത്തിനെതിരെ നിരവധി കേസുകളുള്ളതായി പറയപ്പെടുന്നു. കൊയിലാണ്ടി സി.ഐ കെ. ഉണ്ണികൃഷ്ണ​െൻറയും അത്തോളി എസ്.ഐ രവീന്ദ്രന്‍ കൊമ്പിലാട്ടി​െൻറയും നേതൃത്വത്തിലാണ് കേസ് അന്വേഷിക്കുന്നത്.