ജോയിൻറ്​ കൗണ്‍സില്‍ ജില്ല സമ്മേളനം നാളെ

താമരശ്ശേരി: ജോയിൻറ് കൗണ്‍സില്‍ ഓഫ് സ്റ്റേറ്റ് സര്‍വിസ് ഓര്‍ഗനൈസേഷന്‍സ് (ജെ.സി.എസ്.എസ്.ഒ) ജില്ല സമ്മേളനം 19, 20 തീയതികളില്‍ താമരശ്ശേരിയില്‍ നടക്കുമെന്ന് ഭാരവാഹികള്‍ വാര്‍ത്തസമ്മേളനത്തില്‍ അറിയിച്ചു. ബുധനാഴ്ച രാവിലെ11ന് നിലവിലുള്ള ജില്ല കൗണ്‍സില്‍ യോഗം നടക്കും. വ്യാഴാഴ്ച രാവിലെ 10ന് എം.എൻ.വി.ജി അടിയോടി നഗറില്‍ പ്രതിനിധി സമ്മേളനം ആരംഭിക്കും. യാത്രയയപ്പ് സമ്മേളനം രണ്ടിന് നടക്കും. വാര്‍ത്തസമ്മേളനത്തില്‍ ജില്ല പ്രസിഡൻറ് ടി.എം. സജീന്ദ്രന്‍, സെക്രട്ടറി സി.പി. മണി, സ്വാഗതസംഘം വൈസ് ചെയര്‍മാന്‍ കെ. സദാനന്ദന്‍, ജനറല്‍ കണ്‍വീനര്‍ എം. ബഷീർ, സംസ്ഥാന കമ്മിറ്റി അംഗം അനില്‍ ചുക്കോത്ത്, ജില്ല സെക്രട്ടറി സി.പി. മണി, ജില്ല കമ്മിറ്റി അംഗം കെ.പി. അഖിലേഷ് എന്നിവര്‍ പങ്കെടുത്തു.