അനുമോദന സദസ്സ്

ഫറോക്ക്: എസ്.എസ്.എൽ.സി, പ്ലസ് ടു പരീക്ഷയിൽ ഉന്നത വിജയം കരസ്ഥമാക്കിയ പ്രദേശത്തെ പ്രതിഭകളെ പരുത്തിപ്പാറ വായനശാല ആൻഡ് ൈലബ്രറി അനുമോദിച്ചു. വായനശാല ഹാളിൽ നടന്ന ചടങ്ങിൽ പ്രസിഡൻറ് കെ. അബ്ദുറഹ്മാൻ അധ്യക്ഷത വഹിച്ചു. രാമനാട്ടുകര നഗരസഭ ചെയർമാൻ വാഴയിൽ ബാലകൃഷ്ണൻ ഉദ്ഘാടനം ചെയ്തു. ഫാറൂഖ് കോളജ് ലൈബ്രറി സയൻസ് വിഭാഗം മേധാവി പ്രഫ. കെ.സി. അബ്ദുൽ മജീദ് അനുമോദന പ്രഭാഷണം നടത്തി. ലൈബ്രറി സെക്രട്ടറിയും ഡിവിഷൻ കൗൺസിലറുമായ ടി. അബ്ദുൽ റസാഖ് സ്വാഗതവും കെ.എൻ. സുരേഷ് നന്ദിയും പറഞ്ഞു.