കഞ്ചാവു വിൽപനക്കാരൻ അറസ്​റ്റിൽ

കോഴിക്കോട്: നഗരത്തി​െൻറ വിവിധ ഭാഗങ്ങളിൽ കഞ്ചാവ് വിൽപന നടത്തിവരുന്നയാൾ എക്സൈസി​െൻറ പിടിയിലായി. താമരശ്ശേരി ആലങ്ങാപ്പൊയിൽ കബീറി(46)നെയാണ് 42 ഗ്രാം കഞ്ചാവ് സഹിതം ശനിയാഴ്ച രാവിലെ പത്തരയോടെ എക്സൈസ് സംഘം പാളയത്ത് അറസ്റ്റ് ചെയ്തത്. ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി(മൂന്ന്)യിൽ ഹാജരാക്കി റിമാൻഡ് ചെയ്തു. കോഴിക്കോട് പാളയം, വലിയങ്ങാടി, സൗത്ത് ബീച്ച് തുടങ്ങിയിടങ്ങൾ കേന്ദ്രീകരിച്ച് ഇതര സംസ്ഥാന തൊഴിലാളികൾക്കും വിദ്യാർഥികൾക്കും വിൽപന നടത്തിവരുകയാണെന്ന് അധികൃതർ അറിയിച്ചു. കോഴിക്കോട് റേഞ്ച് എക്സൈസ് ഇൻസ്പെക്ടർ സി.കെ. വിശ്വനാഥൻ, അസി. എക്സൈസ് ഇൻസ്പെക്ടർ സാൻറൻ സെബാസ്റ്റ്യൻ, സിവിൽ എക്സൈസ് ഓഫിസർമാരായ കെ.പി. രാജേഷ്, സി. മനോജ്, ടി.വി. റിഷിത്ത്കുമാർ, ഗംഗാധരൻ, പി. ബാബു, പി.എം. ഷൈനി എന്നിവരടങ്ങിയ സംഘമാണ് അറസ്റ്റ് ചെയ്തത്. photo: kabeer(46)