ഉപജില്ല അലിഫ് അറബിക് ടാലൻറ് ടെസ്​റ്റിൽ കൊടുവള്ളി ജേതാക്കൾ

നരിക്കുനി: കൊടുവള്ളി ജി.എൽ.പി സ്കൂളിൽ നടന്ന ഉപജില്ല അലിഫ് അറബിക് ടാലൻറ് ടെസ്റ്റ് കെ.എ.ടി.എഫ് സംസ്ഥാന ട്രഷറർ കെ.കെ.എ. ജബ്ബാർ ഉദ്ഘാടനം ചെയ്തു. എൽ.പി വിഭാഗത്തിൽ ജി.എൽ.പി സ്കൂൾ കൊടുവള്ളി ഒന്നാം സ്ഥാനം നേടി. എ.എം.എൽ.പി സ്കൂൾ പൈമ്പാലശ്ശേരി രണ്ടും എ.എൽ.പി സ്കൂൾ പുല്ലാളൂർ മൂന്നാം സ്ഥാനവും നേടി. യു.പി വിഭാഗത്തിൽ ഹസനിയ എ.യു.പി സ്കൂൾ മുട്ടാഞ്ചേരി ഒന്നാം സ്ഥാനം നേടി. ജി.എം.യു.പി സ്കൂൾ വെളിമണ്ണ രണ്ടും എ.യു.പി സ്കൂൾ ആവിലോറ മൂന്നും സ്ഥാനങ്ങൾ നേടി. ഹൈസ്കൂൾ വിഭാഗത്തിൽ ചക്കാലക്കൽ ഹയർ സെക്കൻഡറി സ്കൂൾ ഒന്നും ജി.എച്ച്.എസ്.എസ് കൊടുവള്ളി രണ്ടും സ്ഥാനങ്ങൾ നേടി. ഹയർ സെക്കൻഡറി വിഭാഗത്തിൽ ചക്കാലക്കൽ ചാമ്പ്യന്മാരായി. സമ്മാന വിതരണം കെ.എ.ടി.എഫ് ജില്ല സെക്രട്ടറി റാഫി ചെരച്ചോറ നിർവഹിച്ചു. ഉപജില്ല പ്രസിഡൻറ് ഷാജഹാൻ അലി അഹമ്മദ് അധ്യക്ഷത വഹിച്ചു. സൈഫുന്നീസ, എം.പി. റംസീന, സഫിയ പുല്ലാളൂർ, റയീസ് മടവൂർ, ഷഹീൻ എരവന്നൂർ, റസീന ആവിലോറ തുടങ്ങിയവർ സംസാരിച്ചു. ജന. സെക്രട്ടറി എൻ.പി. ജാഫർ സ്വാഗതവും സൈനുദ്ദീൻ നന്ദിയും പറഞ്ഞു.