തീർഥാടകർക്കുനേരെയുള്ള ഭീകരാക്രമണം അപലപനീയം –കെ.എൻ.എം

കോഴിക്കോട്: അമർനാഥ് തീർഥാടകർക്കുനേരെയുള്ള ഭീകരാക്രമണം ഏറെ പ്രതിഷേധാർഹവും ക്രൂരവുമാണെന്ന് കെ.എൻ.എം സംസ്ഥാന പ്രസിഡൻറ് ടി.പി. അബ്ദുല്ലക്കോയ മദനി പ്രസ്താവനയിൽ പറഞ്ഞു. വിവിധ മതവിഭാഗങ്ങളിൽ വിശ്വാസപരമായും ആചാരപരമായും നടത്തുന്ന തീർഥാടനകേന്ദ്രങ്ങളും ആരാധനാലയങ്ങളും ആക്രമിക്കപ്പെടുന്നത് ഗൗരവത്തോടെയാണ് കാണേണ്ടത്. അത്തരക്കാരെ മുഖം നോക്കാതെ ശിക്ഷിക്കണം. ഭീകരവാദത്തിനും തീവ്രവാദത്തിനും മതവും മതവിശ്വാസങ്ങളും എതിരായിരിക്കെ ഭീകരതയെ മതത്തി​െൻറ ലേബലിൽ എഴുതിച്ചേർക്കാതെ ഭീകരതക്കെതിരെ ഐക്യപ്പെടണമെന്നും അദ്ദേഹം കൂട്ടിച്ചേർത്തു.