രോഗികൾക്ക് ആശ്വാസക്കഞ്ഞിയുമായി എസ്.കെ.എ.യു.പി സ്കൂൾ

must.... രോഗികൾക്ക് കഞ്ഞി വിതരണം കൊടിയത്തൂർ: കൊടിയത്തൂർ പ്രാഥമികാരോഗ്യ കേന്ദ്രത്തിൽ പനി ബാധിച്ച് ചികിത്സക്കെത്തുന്ന നൂറു കണക്കിന് രോഗികൾക്ക്‌ ആശ്വാസമേകി സൗത്ത് കൊടിയത്തൂർ എ.യു.പി സ്കൂളിലെ ജെ.ആർ.സി യൂനിറ്റ് പൊടിയരിക്കഞ്ഞി വിതരണം ആരംഭിച്ചു. പകർച്ചപ്പനിയും ഡെങ്കിപ്പനിയും വ്യാപകമായതോടെ ആശുപത്രിയിൽ ദിനേന മുന്നൂറോളം രോഗികൾ ചികിത്സ തേടിയെത്തുന്നുണ്ട്. പൊടിയരിക്കഞ്ഞി വിതരണോദ്ഘാടനം ഗ്രാമപഞ്ചായത്ത് പ്രസിഡൻറ് സി.ടി.സി അബ്ദുല്ല നിർവഹിച്ചു. വാർഡ് അംഗം സാബിറ തറമ്മൽ അധ്യക്ഷത വഹിച്ചു. പ്രധാനാധ്യാപകൻ എൻ. രവീന്ദ്രകുമാർ, മെഡിക്കൽ ഓഫിസർ ഡോ. നൗഷാദ്, പി.ടി.എ പ്രസിഡൻറ് സി.ടി. കുഞ്ഞോയി എന്നിവർ സംസാരിച്ചു. പി.സി. മുജീബ് റഹ്മാൻ സ്വാഗതവും കെ. അബ്ദുൽ ഹക്കീം നന്ദിയും പറഞ്ഞു. മജീദ് പൂതൊടി, വി. വസീത, പി.കെ. ഫിറോസ്, എം. നസീർ, ഫാത്തിമ ഷഹന, മിൻഹ, ഷാന ഷക്കീർ, സൂരജ് എന്നിവർ വിതരണത്തിന് നേതൃത്വം നൽകി.