അമ്മ പിരിച്ചുവിടണം

കോഴിക്കോട്: നടിയെ പീഡിപ്പിച്ച കേസിൽ നടൻ ദിലീപ് അറസ്റ്റിലായ സാഹചര്യത്തിൽ അദ്ദേഹത്തെ ന്യായീകരിച്ച താരസംഘടനയായ അമ്മ പിരിച്ചുവിടണമെന്ന് യുവജനതാദൾ-യു സംസ്ഥാന പ്രസിഡൻറ് സലീം മടവൂർ ആവശ്യപ്പെട്ടു. താരസംഘടന അമ്മ എന്ന പേര് ഉപയോഗിക്കുന്നത് മുഴുവൻ അമ്മമാർക്കും അപമാനമായിരിക്കുന്നു. ഇരയെ വിട്ട് പ്രതിയെ സഹായിച്ച അമ്മക്ക്്് അനുയോജ്യമായ പേര് ചിറ്റമ്മയെന്നാണ്. ദിലീപിനെ പരസ്യമായി ന്യായീകരിച്ച ജനപ്രതിനിധികൾകൂടിയായ ഇന്നസ​െൻറും മുകേഷും ഗണേശനും രാജിവെക്കണം. സംഭവത്തിൽ ഗൂഢാലോചനയില്ലെന്ന മുഖ്യമന്ത്രിയുടെ പ്രസ്താവന മറികടന്ന് ദിലീപിനെ അറസ്റ്റ് ചെയ്യാൻ ആർജവം കാണിച്ച പൊലീസ് ഉദ്യോഗസ്ഥരെ അഭിനന്ദിക്കുന്നുെവന്നും അദ്ദേഹം പറഞ്ഞു. മുഖ്യമന്ത്രിയുടെ മുൻവിധിക്കേറ്റ തിരിച്ചടി -എൻ. വേണു കോഴിക്കോട്: കേരളത്തിലെ ഒരു പ്രമുഖ ചലച്ചിത്രനടി ആക്രമിക്കപ്പെട്ടതുമായി ബന്ധപ്പെട്ട അന്വേഷണത്തി​െൻറ പ്രാഥമിക ഘട്ടത്തിൽതന്നെ ഗൂഢാലോചനയില്ലെന്ന മുഖ്യമന്ത്രിയുടെ പ്രഖ്യാപനം താരരാജാക്കന്മാരെ സംരക്ഷിക്കാൻവേണ്ടിയുള്ളതായിരുന്നെന്ന് വ്യക്തമായതായി ആർ.എം.പി.ഐ സംസ്ഥാന സെക്രട്ടറി എൻ. വേണു പ്രസ്താവനയിൽ പറഞ്ഞു. അന്വേഷണസംഘത്തി​െൻറ ചിറകരിഞ്ഞ് സംഭവത്തിൽ ഗൂഢാലോചനയില്ലെന്ന പ്രഖ്യാപനം നടത്തിയ മുഖ്യമന്ത്രിയുടെ വാദം ദിലീപി​െൻറ അറസ്റ്റോടെ പൊളിഞ്ഞിരിക്കുകയാണ്. കേസ് അട്ടിമറിക്കാനും പ്രതികളെ സംരക്ഷിക്കാനും ഉന്നത ഇടപെടലുകളുണ്ടായിട്ടും സത്യം കണ്ടെത്താനും ഗൂഢാലോചനക്കാരെ പുറത്തുകൊണ്ടുവരാനും മാധ്യമങ്ങൾ വഹിച്ച പങ്ക് അഭിനന്ദനാർഹമാണ്. ക്വട്ടേഷൻ മാഫിയ സംഘങ്ങളുടെ തണലിൽ ചലച്ചിത്രലോകത്തെ അടക്കിവാഴുന്ന മാഫിയാതമ്പുരാക്കന്മാർക്കെതിരെ ജനകീയ പ്രതിഷേധമുയരണമെന്നും എൻ. വേണു പറഞ്ഞു.