ഹമീദ് ശർവാനി അനുസ്​മരണം

വടകര: അനുഗൃഹീത ഗായകൻ ഹമീദ് ശർവാനിയെ മാപ്പിളകലാഅക്കാദമി ജില്ല കമ്മിറ്റി അനുസ്മരിച്ചു. 'ഓർമച്ചെപ്പ്' എന്ന പേരിൽ സംഘടിപ്പിച്ച ചടങ്ങ് മാധ്യമ പ്രവർത്തകൻ സി.വി.എം. വാണിമേൽ ഉദ്ഘാടനം ചെയ്തു. ജില്ല പ്രസിഡൻറ് എം.കെ. അഷ്റഫ് അധ്യക്ഷത വഹിച്ചു. കുന്നത്ത് മൊയ്തു മാസ്റ്റർ അനുസ്മരണ പ്രഭാഷണം നടത്തി. ഗായകൻ നവാസ് പാലേരി ശർവാനിയുടെ പാട്ടുകൾ പരിചയപ്പെടുത്തി. ജനറൽ സെക്രട്ടറി നൗഷാദ് വടകര, ശിവദാസ് കല്ലാച്ചി, അക്കാദമി സംസ്ഥാന സമിതി അംഗം സൂപ്പി തിരുവള്ളൂർ, ടി.പി. മുഹമ്മദ്, ടി.കെ. അസ്ലം മാസ്റ്റർ, കുറ്റിയിൽ ഗഫൂർ മാസ്റ്റർ എന്നിവർ സംസാരിച്ചു.