രോഗികൾക്ക് ആശ്വാസക്കഞ്ഞിയുമായി എസ്.കെ.എ.യു.പി സ്കൂൾ

കൊടിയത്തൂർ: കൊടിയത്തൂർ പ്രാഥമികാരോഗ്യ കേന്ദ്രത്തിൽ പനി ബാധിതരായി ചികിത്സക്കെത്തുന്ന നൂറു കണക്കിന് രോഗികൾക്ക് ആശ്വാസമേകി സൗത്ത് കൊടിയത്തൂർ എ.യു.പി സ്കൂൾ ജെ.ആർ.സി യൂനിറ്റ് പൊടിയരിക്കഞ്ഞി വിതരണം ആരംഭിച്ചു. പകർച്ചപ്പനിയും െഡങ്കിപ്പനിയും വ്യാപകമായതോടെ ആശുപത്രിയിൽ ദിനേന മുന്നൂറോളം രോഗികൾ ചികിത്സ തേടിയെത്തുന്നുണ്ട്. വിതരേണാദ്ഘാടനം ഗ്രാമപഞ്ചായത്ത് പ്രസിഡൻറ് സി.ടി.സി അബദുല്ല നിർവഹിച്ചു. വാർഡ് മെംബർ സാബിറ തറമ്മൽ അധ്യക്ഷത വഹിച്ചു. ഹെഡ്മാസ്റ്റർ എൻ. രവീന്ദ്രകുമാർ, മെഡിക്കൽ ഓഫിസർ ഡോ. നാഷാദ്, പി.ടി.എ പ്രസിഡൻറ് സി.ടി. കുഞ്ഞോയി എന്നിവർ സംസാരിച്ചു. പി.സി. മുജീബ് റഹിമാൻ സ്വാഗതവും കെ. അബ്ദുൽ ഹക്കീം നന്ദിയും പറഞ്ഞു. മജീദ് പൂതൊടി, വി. വസീത, പി.കെ. ഫിറോസ്, എം. നസീർ, ഫാത്തിമ ഷഹന, മിൻഹ, ഷാന ഷക്കീർ, സൂരജ് എന്നിവർ നേതൃത്വം നൽകി.