സി.എം. മഖാം ഉറൂസ്: ദിക്ർ ദുആ സമ്മേളനം പ്രാർഥനാനിർഭരം

നരിക്കുനി: സി.എം. മഖാം ഉറൂസി​െൻറ ഭാഗമായി നടന്ന ദിക്ർ ദുആ സമ്മേളനം സമസ്ത പ്രസിഡൻറ് ജിഫ്രി മുത്തുക്കോയ തങ്ങൾ ഉദ്ഘാടനം ചെയ്തു. പാണക്കാട് സാദിഖലി ശിഹാബ് തങ്ങൾ അധ്യക്ഷത വഹിച്ചു. അബ്്ദുസ്സമദ് പൂക്കോട്ടൂർ ഉദ്ബോധനം നടത്തി. വാവാട് പി.കെ. കുഞ്ഞിക്കോയ മുസ്ലിയാർ പ്രാർഥനക്ക് നേതൃത്വം നൽകി. സൈനുൽ ആബിദീൻ തങ്ങൾ, സി.എസ്.കെ. തങ്ങൾ, അത്തിപ്പറ്റ മുഹിയുദ്ദീൻ കുട്ടി മുസ്ലിയാർ, കൊയ്യോട് ഉമർ മുസ്ലിയാർ എന്നിവർ സംസാരിച്ചു. യു. ഷറഫുദ്ദീൻ സ്വാഗതവും മുത്താട്ട് അബ്്ദുറഹിമാൻ നന്ദിയും പറഞ്ഞു. തിങ്കളാഴ്ച രാവിലെ ആറുമുതൽ വൈകീട്ട് നാലുവരെ നടക്കുന്ന അന്നദാനത്തോടെ ഉറൂസിന് സമാപനമാകും.