റേഷൻ വിതരണം

റേഷൻ വിതരണം കോഴിക്കോട്: ജില്ലയിലെ മുൻഗണന/മുൻഗണനേതര വിഭാഗങ്ങൾക്കുള്ള ജൂൺ മാസത്തെ അരിയുടെയും ഗോതമ്പി​െൻറയും വിഹിതം റേഷൻ കടകളിൽ പ്രസിദ്ധീകരിച്ച അന്തിമ മുൻഗണനപട്ടിക പ്രകാരം ഇതുവരെ വാങ്ങാത്തവർക്കായി ജൂലൈ അഞ്ചുവരെ ബന്ധപ്പെട്ട റേഷൻകടകളിൽ ലഭിക്കും. എ.എ.വൈ കാർഡുടമകൾക്ക് കാർഡൊന്നിന് 28 കിലോഗ്രാം അരിയും ഏഴ് കിലോഗ്രാം ഗോതമ്പും മുൻഗണനകാർഡിലെ ഓരോ അംഗത്തിനും നാല് കിലോഗ്രാം അരിയും ഒരു കിലോഗ്രാം ഗോതമ്പും സൗജന്യമായി ലഭിക്കും. മുൻഗണനേതര സബ്സിഡി വിഭാഗത്തിൽ ആളൊന്നിന് രണ്ട് കിലോഗ്രാം വീതം അരി രണ്ട് രൂപ നിരക്കിലും മുൻഗണനേതര നോൺ സബ്സിഡി വിഭാഗത്തിൽ കാർഡിന് എട്ട് കിലോഗ്രാം ഭക്ഷ്യധാന്യം സ്റ്റോക്കനുസരിച്ച് അരി 8.90 രൂപ നിരക്കിലും ഗോതമ്പ് 6.70 രൂപ നിരക്കിലും മണ്ണെണ്ണ വൈദ്യുതീകരിച്ച വീടുള്ള കാർഡുടമകൾക്ക് (ഇ-കാർഡ്) അരലിറ്ററും വൈദ്യുതീകരിക്കാത്ത വീടുള്ള കാർഡുടമകൾക്ക് (എൻ.ഇ കാർഡ്) നാല് ലിറ്ററും- ലിറ്ററിന് 22 രൂപ നിരക്കിലും ലഭിക്കുന്നതാണെന്ന് ജില്ല സപ്ലൈ ഓഫിസർ അറിയിച്ചു.