അവാർഡ് വിതരണവും പി.ടി.എ ജനറൽ ബോഡിയോഗവും

കൊടിയത്തൂർ: വാദിറഹ്മ ഇംഗ്ലീഷ് സ്കൂളിലെ, സി.ബി.എസ്.ഇ പ്ലസ്ടു ,പത്താം തരം പരീക്ഷകളിൽ ഉന്നതവിജയം നേടിയവർക്കുള്ള സിവിൽ സർവിസ് റാങ്ക് ഹോൾഡർ ആദർശ് രജീന്ദ്രൻ ഉദ്ഘാടനം ചെയ്തു. ഗവേണിങ് ബോഡി ചെയർമാൻ കെ.സി.സി. ഹുൈസൻ അധ്യക്ഷത വഹിച്ചു. വിദ്യാർഥികൾക്കുള്ള അവാർഡുകൾ ആദർശ് രജീന്ദ്രൻ വിതരണം ചെയ്തു. പി.ടി.എ പ്രസിഡൻറ് അക്ബർ കൊളക്കാടൻ, അക്കാദമിക് കോഓഡിനേറ്റർ അബ്ദുറഷീദ് എന്നിവർ സംസാരിച്ചു. ആദർശ് രാജീന്ദ്രനുള്ള സ്നേഹോപഹാരം കെ.സി.സി ഹുസൈൻ സമ്മാനിച്ചു. സ്കൂൾ പ്രിൻസിപ്പൽ യേശുദാസ് സി. ജോസഫ് സ്വാഗതവും വൈസ് പ്രിൻസിപ്പൽ എം. നാസർ നന്ദിയും പറഞ്ഞു. തുടർന്ന് സിവിൽ സർവിസ് മോട്ടിവേഷൻ ക്ലാസിന് ആദർശ് രജീന്ദ്രൻ നേതൃത്വം നൽകി.