ഒാർഗനൈസർ സംവാദത്തിൽ പ​െങ്കടുക്കില്ലെന്ന്​ കോൺഗ്രസ്​

കോഴിക്കോട്: ഓർഗനൈസർ നടത്തുന്ന സംവാദത്തിൽ കോൺഗ്രസ് പ്രതിനിധികൾ പെങ്കടുക്കില്ലെന്ന് ഡി.സി.സി പ്രസിഡൻറ് ടി. സിദ്ദീഖ് അറിയിച്ചു. ഒരുഭാഗത്ത് കൊലപാതകമുൾപ്പെടെയുള്ള അക്രമങ്ങൾക്ക് നേതൃത്വം നൽകുകയും മറുഭാഗത്ത് സമാധാനത്തിനുവേണ്ടിയെന്ന് ധ്വനിപ്പിക്കുന്ന വ്യാജ പ്രചാരണം നടത്തുകയും ചെയ്യുന്നത് ഇരുമുഖത്തി​െൻറ പ്രതിഫലനമാണ്. ഇത്തരം പരിപാടികൾ സദുദ്ദേശ്യപരമല്ല. രാജ്യത്തെ ദലിതർ, ന്യൂനപക്ഷങ്ങൾ, സ്ത്രീകൾ, എഴുത്തുകാർ, സാംസ്കാരിക പ്രവർത്തകർ തുടങ്ങിയവർക്കെതിരെ ഒരുകാലത്തുമില്ലാത്ത അക്രമങ്ങൾക്കും കൊലപാതകങ്ങൾക്കും നേതൃത്വം നൽകുന്ന ഭരണകൂട ഫാഷിസം ഉറഞ്ഞുതുള്ളുന്ന ഈ സന്ദർഭത്തിൽ അതിെനതിരെ കർശന നടപടിയെടുക്കാൻ പ്രധാനമന്ത്രിയെയും ഭരണകൂടത്തെയും പ്രാപ്തമാക്കാനുള്ള സെമിനാറുകൾകൂടി ഒരുക്കാൻ ബന്ധപ്പെട്ടവർ തയാറാവണമെന്നും ആവശ്യപ്പെട്ടു.