മഴക്കാലപൂർവ രോഗപ്രതിരോധവും ശുചീകരണവും

ഒാമശ്ശേരി: പഞ്ചായത്തി​െൻറയും ആരോഗ്യവകുപ്പ്, വ്യാപാരിവ്യവസായിസമിതി, ഏകോപനസമിതി, ഡ്രൈവേഴ്സ് യൂനിയൻ, വിവിധ സന്നദ്ധസംഘടനപ്രവർത്തകർ തുടങ്ങിയവരുടെ സഹകരണത്തോടെ ശുചീകരണപ്രവർത്തനങ്ങൾ സംഘടിപ്പിച്ചു. പഞ്ചായത്ത് വൈസ് പ്രസിഡൻറ് ഇ.ജെ. മനു ഉദ്ഘാടനം ചെയ്തു. മുഴുവൻ വാർഡ് തലങ്ങളിലും ശുചിത്വയോഗങ്ങൾ ചേർന്ന് ശുചീകരണപ്രവർത്തനങ്ങൾ നടത്താനും ബോധവത്കരണ പ്രതിരോധപ്രവർത്തനങ്ങൾ നടത്താനും തീരുമാനിച്ചു. ജനപ്രതിനിധികൾ, ആരോഗ്യസേന, ആശവർക്കർമാർ, കുടുംബശ്രീ, ആരോഗ്യപ്രവർത്തകർ, മറ്റ് സന്നദ്ധ സംഘടനപ്രവർത്തകർ എന്നിവരുടെ സഹകരണത്തോടെയാണ് വാർഡ് തലത്തിൽ ശുചീകരണ പ്രതിരോധപ്രവർത്തനങ്ങൾ സംഘടിപ്പിക്കുന്നത്.