കറന്‍സിരഹിത ഇടപാട് പഠിക്കാനായി വയോജന കൂട്ടം

ചേന്ദമംഗല്ലൂര്‍: കറന്‍സിയില്ലാതാവുന്ന ആധുനികകാലത്ത് സാമ്പത്തിക ഇടപാടുകള്‍ നടത്തുന്നതിന് അന്വേഷണത്വരയോടെ ചേന്ദമംഗല്ലൂരിലെ വയോജന കൂട്ടായ്മ ക്ളാസ് സംഘടിപ്പിച്ചു. ‘കേരള സീനിയര്‍ സിറ്റിസണ്‍സ് ഫോറം’ ചേന്ദമംഗല്ലൂര്‍ ഘടകത്തിന്‍െറ ഓഫിസ് ഉദ്ഘാടനത്തോടനുബന്ധിച്ചാണ് ബോധവത്കരണ ക്ളാസ് സംഘടിപ്പിച്ചത്. മുക്കം നഗരസഭ ചെയര്‍മാന്‍ വി. കുഞ്ഞന്‍ ഓഫിസ് ഉദ്ഘാടനം ചെയ്തു. നഗരസഭ വൈസ് ചെയര്‍പേഴ്സന്‍ ഹരീദ മോയിന്‍കുട്ടി മുഖ്യാതിഥിയായിരുന്നു. വാര്‍ഡ് കൗണ്‍സിലര്‍ ശഫീഖ് മാടായി, കെ.പി. അഹമ്മദ് കുട്ടി, സി.ടി. അബ്ദുല്‍ ജബ്ബാര്‍, എന്‍.ടി. അലി, പി. ജയശീലന്‍, എന്‍.കെ. ഉമ്മര്‍കോയ എന്നിവര്‍ സംസാരിച്ചു. കെ.പി. വേലായുധന്‍, കെ. മുഹമ്മദ്കുട്ടി, എന്‍.കെ. ദസ്തഗീര്‍, ടി. ഉണ്ണിമോയി എന്നിവര്‍ സംബന്ധിച്ചു. മുക്കം എസ്.ബി.ടി മാനേജര്‍ അനുരാഗ്, ഹര്‍ഷപോള്‍, അഭിഷേക് എന്നിവരാണ് ബോധവത്കരണ ക്ളാസ് നയിച്ചത്.