സ്കൂള്‍ ഭൂമി കൈയേറി ഭിത്തി നിര്‍മിക്കാനുള്ള ശ്രമം തടഞ്ഞു

കൊടുവള്ളി: കരുവന്‍പൊയില്‍ ഗവ. ഹയര്‍ സെക്കന്‍ഡറി സ്കൂള്‍ ഭൂമി കൈയേറി കരിങ്കല്‍ഭിത്തി നിര്‍മിക്കാനുള്ള ശ്രമം നാട്ടുകാരും എസ്.ഡി.പി.ഐയും ചേര്‍ന്ന് തടഞ്ഞു. ചൊവ്വാഴ്ച 11 മണിയോടെയാണ് സംഭവം. 38 മീറ്ററോളം നീളമുള്ള കരിങ്കല്‍ഭിത്തി സ്വകാര്യ വ്യക്തി സ്കൂള്‍ഭൂമിയില്‍ നിര്‍മിക്കുന്നതറിഞ്ഞാണ് ഭിത്തിനിര്‍മാണം തടഞ്ഞത്. ഇതേതുടര്‍ന്ന് സ്വകാര്യ വ്യക്തിയും ജനങ്ങളും തമ്മില്‍ വാക്കേറ്റമുണ്ടാവുകയും ഇതറിഞ്ഞ് പൊലീസത്തെി ഇരുകൂട്ടരെയും സ്റ്റേഷനിലേക്ക് വിളിപ്പിക്കുകയും ചെയ്തു. പ്രശ്നപരിഹാരത്തിനായി നഗരസഭ അധികൃതരുടെ സാന്നിധ്യത്തില്‍ വില്ളേജ് ഓഫിസ് രേഖകള്‍ പരിശോധിച്ചതില്‍ ഭിത്തി നിര്‍മിച്ച സ്ഥലം സ്കൂളിന്‍െറ കൈവശമുള്ള ഭൂമിയാണെന്ന് വ്യക്തമാവുകയായിരുന്നു. ഇതേതുടര്‍ന്ന് സര്‍വേ നടത്തിയതിനുശേഷമേ നിര്‍മാണ പ്രവൃത്തികള്‍ പുനരാരംഭിക്കാവൂ എന്ന അധികൃതരുടെ നിര്‍ദേശത്തെ തുടര്‍ന്ന് ജനങ്ങള്‍ പിരിഞ്ഞുപോവുകയായിരുന്നു.