കുടിവെള്ളക്ഷാമം: നാട്ടുകാര്‍ പ്രക്ഷോഭത്തിന്

ബാലുശ്ശേരി: ഗ്രാമപഞ്ചായത്തിലെ 2, 16, 17 വാര്‍ഡുകളില്‍ കുടിവെള്ളം ലഭിക്കാത്തതില്‍ പ്രതിഷേധിച്ച് ബുധനാഴ്ച 150 കുടുംബങ്ങള്‍ വില്ളേജ് ഓഫിസ് ധര്‍ണ നടത്തുമെന്ന് നാട്ടുകാര്‍. വാട്ടര്‍ അതോറിറ്റിയില്‍ പണമടച്ച് കാത്തിരിക്കുന്നവരാണിവര്‍. പഞ്ചായത്തിലെ വിവിധഭാഗങ്ങളില്‍ ജപ്പാന്‍ കുടിവെള്ളം നല്‍കുന്നതിനുള്ള പ്രവര്‍ത്തനങ്ങള്‍ അവസാനഘട്ടത്തിലാണ്. മേല്‍പറഞ്ഞ വാര്‍ഡുകളില്‍ ഇതിനായുള്ള നീക്കങ്ങള്‍ കാണാത്തതില്‍ പ്രദേശവാസികള്‍ ഉത്കണ്ഠയിലാണ്. ഭൂര്‍ഗഭ ജലവകുപ്പ് ശാസ്ത്രീയമായി സര്‍വേ നടത്തി ജലലഭ്യത ഒട്ടുമില്ലാത്ത ഭാഗമാണിതെന്ന് കണ്ടത്തെിയിരുന്നു. പഞ്ചായത്ത് അധികൃതര്‍, എം.എല്‍.എ, ജില്ല കലക്ടര്‍, ജലവിഭവമന്ത്രി, മുഖ്യമന്ത്രി എന്നിവര്‍ക്ക് നാട്ടുകാര്‍ പരാതി നല്‍കിയതായി ഉപഭോക്തൃ സംരക്ഷണസമിതിയുടെ നേതാക്കളായ പി.കെ. ബാലകൃഷ്ണനും കെ.കെ. ശ്രീനിവാസനും പറഞ്ഞു. ഫെബ്രുവരി 15ന് രാവിലെ 10നാണ് ധര്‍ണ.