ചികിത്സ ധനസഹായം വിതരണം

കൊയിലാണ്ടി: കൊല്ലം പിഷാരികാവ് ദേവസ്വം നിർധനരായ രോഗികള്‍ക്ക് ചെയ്തു. 200 പേര്‍ക്കാണ് 5000 രൂപ വീതം നല്‍കിയത്. കൂടാതെ, മുൻ ട്രസ്റ്റി ബോര്‍ഡംഗമായ പുനത്തില്‍ ഗോപാലന്‍ നായരുടെ സ്മരണക്കായി മകളും ക്ഷേത്രം ജീവനക്കാരിയുമായ ജി. ജയകുമാരി 20 പേര്‍ക്ക് 5000 രൂപവീതം ചികിത്സ ധനസഹായം നല്‍കി. കെ. ദാസന്‍ എം.എൽ.എ ധനസഹായം വിതരണോദ്ഘാടനം ചെയ്തു. ട്രസ്റ്റി ബോര്‍ഡ് ചെയര്‍മാന്‍ പി. നാരായണന്‍കുട്ടി നായര്‍ അധ്യക്ഷത വഹിച്ചു. മലബാര്‍ ദേവസ്വം ബോര്‍ഡ് കമീഷണര്‍ കെ. മുരളി, നഗരസഭ ചെയര്‍മാന്‍ കെ. സത്യൻ, നഗരസഭാംഗങ്ങളായ ബുഷ്‌റ കുന്നോത്ത്, എം.പി. സ്മിത, ട്രസ്റ്റി ബോര്‍ഡംഗം ഇ. ബാലകൃഷ്ണന്‍ നായർ, ടി.കെ. രാധാകൃഷ്ണൻ, വി.പി. ഭാസ്‌കരന്‍ എന്നിവര്‍ സംസാരിച്ചു. എക്‌സിക്യൂട്ടിവ് ഓഫിസര്‍ യു.വി. കുമാരന്‍ സ്വാഗതവും വി.കെ. അശോകന്‍ നന്ദിയും പറഞ്ഞു.