വെൽഫെയർ പാർട്ടി വാഹന പ്രചാരണ ജാഥക്ക് സ്വീകരണം നൽകി

നന്തിബസാർ: വെൽഫെയർ പാർട്ടി കൊയിലാണ്ടി മണ്ഡലം സമ്മേളനത്തി​െൻറ ഭാഗമായി നടക്കുന്ന വാഹന പ്രചാരണ ജാഥക്ക് പുറക്കാട് കിടഞ്ഞിക്കുന്നിൽ സ്വീകരണം നൽകി. പരിപാടി ജില്ല സെക്രട്ടറി എഫ്.എം. അബ്ദുല്ല ഉദ്ഘാടനം ചെയ്തു. മണ്ഡലം പ്രസിഡൻറ് ഹബീബ് മസ്ഊദ് അധ്യക്ഷത വഹിച്ചു. ജില്ല വൈസ് പ്രസിഡൻറ് ടി.കെ. മാധവൻ, പി.കെ. അബ്ദുല്ല, കെ. ഹസൻകുട്ടി, ടി.എ. ജുനൈദ്, എം.വി. റഫീഖ് എന്നിവർ വിവിധ സ്വീകരണകേന്ദ്രങ്ങളിൽ നടന്ന പരിപാടികളിൽ സംസാരിച്ചു. മൂന്ന് ദിവസങ്ങളിലായി നടക്കുന്ന ജാഥ ശനിയാഴ്ച വൈകീട്ട് പയ്യോളി കീഴൂരിൽ സമാപിക്കും.