ഫുട്​പാത്ത്​ സ്ലാബ്​ അപകടക്കെണിയായിട്ടും മാറ്റിസ്​ഥാപിച്ചില്ല

ഒാമശ്ശേരി: ഫുട്പാത്ത് സ്ലാബ് അപകടക്കെണിയായി മാറി മാസങ്ങൾ പിന്നിട്ടിട്ടും ഇതുവരെ മാറ്റിസ്ഥാപിക്കാൻ ബന്ധപ്പെട്ട അധികൃതർ തയാറായില്ല. പഴയ ബസ്സ്റ്റാൻഡിനു സമീപമുള്ള ഫുട്പാത്ത് സ്ലാബാണ് തകർന്ന് കാൽനടയാത്രക്കാർക്ക് അപകടഭീഷണിയായത്. ബസ്സ്റ്റാൻഡിലേക്കെത്തുന്ന യാത്രക്കാർക്കും മുക്കം, തിരുവമ്പാടി ഭാഗത്തേക്കുള്ള യാത്രക്കാർക്കും എളുപ്പമാർഗമായ ഇൗ ഫുട്പാത്ത് തകർന്നത് യാത്രക്കാർക്ക് ഏറെ ദുരിതമായിരിക്കുകയാണ്. ഫുട്പാത്തി​െൻറ അടിത്തറ ഇളകിയതിനാൽ ഏതു സമയവും തകർന്ന് താഴെവീഴുന്ന അവസ്ഥയിലുമാണ്. ബസ്സ്റ്റാൻഡിൽ ലൈറ്റില്ലാത്ത സന്ദർഭങ്ങളിലും ഇതുവഴിയുള്ള യാത്ര അപകടം സൃഷ്ടിക്കുന്നു. ഒരു ഭാഗം ഇളകിമാറിയ സ്ലാബി​െൻറ മുകളിൽ ഇപ്പോൾ ഇരുമ്പുഷീറ്റിട്ട് മൂടിയ നിലയിലാണ്.