യുവാവിനെ സംഘം ചേർന്നു മർദിച്ചതായി പരാതി

മുക്കം: യുവാവിനെ സംഘം ചേർന്ന് ക്രൂരമായി മർദിച്ചതായി പരാതി. കാരശ്ശേരി ഗ്രാമപഞ്ചായത്തിലെ ആനയാംകുന്ന് കുഴികണ്ടത്തിൽ നൂറുദ്ദീൻ (35)നെയാണ് ഇരുപതോളം പേരടങ്ങുന്ന സംഘം ആക്രമിച്ചത്. വയനാട്ടിൽ ലോഡിറക്കി ടിപ്പർ ലോറിയുമായി വരുന്നതിനിടയിൽ കൂടത്തായി വയലോരം വെച്ച് ആറ് മണിയോടെയാണ് സംഘം ആക്രമിച്ച് പരിക്കേൽപിച്ചത്. ആക്രമികൾ നൂറുദ്ദീ​െൻറ മൊബൈൽ ഫോണും 10,000 രൂപയും കവർന്നു. തലക്കും ചെവിക്കും കാലിനും ഗുരുതരമായി പരിക്കേറ്റ യുവാവിനെ നാട്ടുകാർ കെ.എം.സി.ടി ആശുപത്രിയിൽ എത്തിക്കുകയായിരുന്നു. സംഭവവുമായി ബന്ധപ്പെട്ട് നൂറുദ്ദിൻ പൊലീസിൽ പരാതി നൽകിയിട്ടുണ്ട്.