പെൻഷൻകാരുടെ സമരം

കോഴിക്കോട്: പെൻഷൻ കുടിശ്ശിക അടിയന്തരമായി വിതരണം ചെയ്യുക, പെൻഷൻ സർക്കാർ ഏറ്റെടുക്കുക, കെ.എസ്.ആർ.ടി.സിയെ സംരക്ഷിക്കുക തുടങ്ങിയ ആവശ്യങ്ങളുന്നയിച്ച് കെ.എസ്.ആർ.ടി.സി പെൻഷനേഴ്സ് ഒാർഗനൈസേഷൻ നേതൃത്വത്തിൽ മാവൂർ റോഡ് കെ.എസ്.ആർ.ടി.സി ടെർമിനലിൽ അനിശ്ചിതകാല ധർണ സമരം തുടരുന്നു. സംസ്ഥാന സെക്രട്ടറി കെ. രാജു, സംസ്ഥാന കമ്മിറ്റി അംഗം പി.പി. കുട്ടികൃഷ്ണൻ, പറക്കോട് രാഘവൻ, എൻ. ശശിധരൻ എന്നിവർ സംസാരിച്ചു. ജില്ല പ്രസിഡൻറ് ഭാസ്കര പണിക്കർ അധ്യക്ഷത വഹിച്ചു. എൻ.കെ. രാരുക്കുട്ടി സ്വാഗതവും എൻ.കെ. ഗോപാലൻ നായർ നന്ദിയും പറഞ്ഞു.