ചേളന്നൂർ പഞ്ചായത്തിൽ തടയണ നിർമാണത്തിന്​ തുടക്കം

ചേളന്നൂർ: ഹരിതകേരളത്തി​െൻറ ഒന്നാം വാർഷികത്തോടനുബന്ധിച്ച് തൊഴിലുറപ്പ് തൊഴിലാളികളും നാട്ടുകാരും തടയണ നിർമിച്ചു. ചേളന്നൂർ പഞ്ചായത്തിലെ മൂന്ന്, 13 വാർഡുകളിലെ തോടുകളിലാണ് തടയണ നിർമിച്ചത്. ചേളന്നൂർ കുമാരസ്വാമി ചെലപ്രം റോഡിൽ താത്തൻകുന്നത്ത്താഴത്ത് നിർമിച്ച തടയണയുടെ ഉദ്ഘാടനം ഗ്രാമപഞ്ചായത്ത് പ്രസിഡൻറ് ടി. വത്സല നിർവഹിച്ചു. അമ്പതോളം പേർ തടയണ നിർമാണത്തിൽ പെങ്കടുത്തു. നിരവധി പേർക്ക് കുളിക്കാനും അലക്കാനും ഉപയോഗപ്പെടുന്ന രീതിയിൽ കരിങ്കല്ലുകൾ കൊണ്ടാണ് നിർമാണം. ഷനോജ് കടവൻതാട്ടിൽ, സന്തോഷ് ചാത്തൻകുന്നത്ത് എന്നിവർ നേതൃത്വം നൽകി. പഞ്ചായത്തിലെ പരമാവധി നീരൊഴുക്കുകളിലും തടയണ നിർമിക്കുമെന്ന് പ്രസിഡൻറ് ടി. വത്സല പറഞ്ഞു.