വിദ്യാലയങ്ങൾക്ക്​ എൽ.സി.ഡി പ്രൊജക്​ടർ നൽകി

ചേമഞ്ചേരി: ജനകീയാസൂത്രണത്തി​െൻറ ഭാഗമായി പഞ്ചായത്തിലെ ഏഴ് വിദ്യാലയങ്ങൾക്ക് എൽ.സി.ഡി പ്രോജക്ടർ നൽകുന്ന പദ്ധതി കൊളക്കാട് യു.പി സ്കൂളിൽ കെ. ദാസൻ എം.എൽ.എ ഉദ്ഘാടനം ചെയ്തു. പഞ്ചായത്ത് പ്രസിഡൻറ് അശോകൻ കോട്ട് അധ്യക്ഷത വഹിച്ചു. പി.ടി.എ പ്രസിഡൻറ് അജിത്കുമാർ, വിദ്യാലയ വികസന സമിതി കൺവീനർ പ്രദീപൻ, കാപ്പാട് ജി.എം.യു.പി സ്കൂൾ പ്രധാനധ്യാപകൻ അബ്ദുല്ല, വാർഡംഗം കെ. ഷബീർ, ആരോഗ്യ വിദ്യാഭ്യാസ സ്ഥിരം സമിതി ചെയർമാൻ ഉണ്ണി തിയ്യക്കണ്ടി, പൊന്നാടത്ത് വത്സൻ, പ്രധാനധ്യാപകൻ വി. ശൈലജ, പഞ്ചായത്ത് വൈസ് പ്രസിഡൻറ് ഷീബ വരേക്കൽ, വികസനകാര്യ സ്ഥിരം സമിതി ചെയർമാൻ ഇ. അനിൽകുമാർ, ക്ഷേമകാര്യ സ്ഥിരം സമിതി ചെയർപേഴ്സൻ പി.പി. ശ്രീജ, എ.ഇ.ഒ കെ.കെ. മനോഹർ ജവഹർ എന്നിവർ സംസാരിച്ചു.