മുള്ളന്‍പന്നിയെ വേട്ടയാടി കറിവെച്ചു: രണ്ടു പേര്‍ പിടിയില്‍

താമരശ്ശേരി: വനത്തില്‍നിന്ന് മുള്ളന്‍പന്നിയെ വേട്ടയാടി കൊന്ന് കറിവെച്ച സംഭവത്തില്‍ രണ്ടു പേരെ ഫോറസ്റ്റ് അധികൃതര്‍ പിടികൂടി. കൂടരഞ്ഞി ഉറുമി കെ.എസ്. പവിത്രരാജന്‍(42), പി. സണ്ണിസിറിയക് (61) എന്നിവരാണ് പിടിയിലായത്. ഇവരുടെ വീടുകളില്‍നിന്ന് പാചകംചെയ്ത ഇറച്ചി കണ്ടെടുത്തു. രഹസ്യ വിവരത്തി​െൻറ അടിസ്ഥാനത്തില്‍ സെക്ഷന്‍ ഫോറസ്റ്റ് ഓഫിസര്‍ പി.കെ. പ്രവീണ്‍കുമാര്‍, ബീറ്റ് ഫോറസ്റ്റ് ഓഫിസര്‍ പി.വി. ഷൈലജ്, ഡ്രൈവര്‍ ബെന്നി എന്നിവർ ചേര്‍ന്നാണ് പ്രതികളെ അറസ്റ്റ് ചെയ്തത്. താമരശ്ശേരി കോടതിയില്‍ ഹാജരാക്കിയ പ്രതികളെ ഈ മാസം 20 വരെ റിമാൻഡ് ചെയ്തു.