ഭൂരേഖ വിവരശേഖരണം: ഒരു അവസരം കൂടി

കോഴിക്കോട്: കോഴിക്കോട് ഭൂരേഖ വിവരശേഖരണ ക്യാമ്പുകളിൽ അപേക്ഷ നൽകാത്ത ഭൂവുടമസ്ഥർക്ക് ഒരു അവസരംകൂടി നൽകും. പൂരിപ്പിച്ച നിശ്ചിത ഫോറങ്ങൾ അസ്സൽ ആധാരം, നികുതി രസീതി, പട്ടയം, ആധാർ കാർഡ്, ആധാരം ബാങ്കിൽ പണയപ്പെടുത്തിയിട്ടുണ്ടെങ്കിൽ ബാങ്കിൽനിന്നുള്ള കത്ത് എന്നിവ സഹിതം ഡിസംബർ 11 മുതൽ 23 വരെ അതത് വില്ലേജ് ഓഫിസുകളിൽ ഉച്ചക്ക് രണ്ട് മുതൽ അഞ്ചുവരെ നൽകാം. ഭൂമിസംബന്ധമായ എല്ലാ ആവശ്യങ്ങൾക്കും കംമ്പ്യൂട്ടർ വത്കരിച്ച ഭൂരേഖകൾ ആയിരിക്കും അടിസ്ഥാനം എന്നതിനാൽ ഭൂമി കൈവശമുള്ള എല്ലാവരും വിവരങ്ങൾ നിർബന്ധമായും നൽകേണ്ടതാണ്.