അച്ഛനു സമർപ്പിച്ച് വിഷ്ണുവി​െൻറ വിജയം

കോഴിക്കോട്: പ്രതിഭ തെളിയിക്കാൻ പണമൊരു തടസ്സമല്ലെന്ന് ഒരിക്കൽകൂടി തെളിയിച്ചിരിക്കുകയാണ് ആൺകുട്ടികളുെട കേരളനടനം മത്സരത്തിൽ വിജയിയായ വിഷ്ണു കണ്ണൻ. പ്രതികൂല സാഹചര്യങ്ങളേറെയുണ്ടായിട്ടും പതറാതെ പൊരുതി േനടിയ വിഷ്ണു ത​െൻറ നേട്ടം അച്ഛനു സമർപ്പിച്ചുകൊണ്ടാണ് വേദി വിട്ടത്. വിഷ്ണുവി​െൻറ അച്ഛൻ പുതിയാപ്പയിലെ മത്സ്യത്തൊഴിലാളിയായ അനിരുദ്ധൻ എന്ന കണ്ണൻ ചെറുപ്പത്തിൽ നൃത്തം അഭ്യസിച്ചിരുന്നെങ്കിലും സാമ്പത്തിക സ്ഥിതി മോശമായതോടെ നിർത്തിെവക്കുകയായിരുന്നു. പിന്നീട് മകനിലൂടെയാണ് ഇദ്ദേഹം ത​െൻറ ആഗ്രഹം പൂർത്തീകരിച്ചുകൊണ്ടിരിക്കുന്നത്. എലത്തൂർ സി.എം.സി ബോയ്സ് ഹൈസ്കൂളിലെ പത്താംക്ലാസ് വിദ്യാർഥിയാണ് വിഷ്ണു. കഴിഞ്ഞ വർഷവും ജില്ലയിൽ ഒന്നാമതെത്തി സംസ്ഥാനതലത്തിൽ എ ഗ്രേഡ് നേടിയിരുന്നു. പുതിയാപ്പ നടുക്കണ്ടി പറമ്പിൽ നടനം വീട്ടിലാണ് താമസം. അമ്മ മിനി.