Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightസാന്ദ്ര രാജിന്​...

സാന്ദ്ര രാജിന്​ പൊരുതിനേടിയ വിജയം

text_fields
bookmark_border
കോഴിക്കോട്: തിരുവനന്തപുരത്ത് ബാലാവകാശ കമീഷനെ കണ്ട് ത​െൻറ ആവലാതി ബോധിപ്പിച്ച് ചൊവ്വാഴ്ച പുലർച്ചെയാണ് സാന്ദ്ര രാജ് കോഴിക്കോട്ടെത്തിയത്. ഒട്ടും സമയം കളയാതെ കലോത്സവനഗരയിെല കേരള നടനം വേദിയിൽ. കമീഷ​െൻറ അനുകൂല വിധിയോടെ അവൾ വേദിയിൽ നിറഞ്ഞാടി. ഉള്ളിലെ സങ്കടം കാണിക്കാതെയുള്ള ആ പ്രകടനത്തിന് വിധികർത്താക്കൾ മാർക്കിട്ടപ്പോൾ ഒന്നാംസ്ഥാനം. ചേവായൂർ ഉപജില്ലയിൽ ഹയർസെക്കൻഡറി വിഭാഗം ഒന്നാംസ്ഥാനം നേടിയ സിൽവർഹിൽസ് എച്ച്.എസ്.എസിലെ സാന്ദ്ര രാജിനെ ജില്ല കലോത്സവത്തി​െൻറ രണ്ടുനാൾ മുമ്പാണ് ഒന്നാംസ്ഥാനം റദ്ദാക്കിയെന്ന കാര്യം ബന്ധപ്പെട്ടവർ അറിയിച്ചത്. വിധിനിർണയത്തിൽ അപാകതയുണ്ടെന്നായിരുന്നു അവരുടെ വിശദീകരണം. ഇതിനിടയിൽ ഈ പെൺകുട്ടിയെ മാനസികമായി തകർക്കുന്ന രീതിയിൽ ചില പ്രചാരണങ്ങൾ പലഭാഗത്തുനിന്നുമുണ്ടായത്രെ. ഇതെല്ലാം നേരിട്ട് അവർ ബാലാവകാശ കമീഷനെ സമീപിക്കുകയും മത്സരിക്കാൻ യോഗ്യത നേടുകയും ചെയ്തു. സ്വർണപണിക്കാരനായ രാജ്കുമാറി​െൻറയും അധ്യാപികയായ നിശീഥിനിയുടെയും മകളായ സാന്ദ്ര നൃത്തവേദികളിലെ സ്ഥിരം സാന്നിധ്യമാണ്. കഴിഞ്ഞ വർഷം കേരളനടനം, മോഹിനിയാട്ടം, ചവിട്ടുനാടകം എന്നീ ഇനങ്ങളിൽ ഒന്നാമതെത്തിയിരുന്നു.
Show Full Article
TAGS:LOCAL NEWS 
Next Story