സംഘർഷത്തിൽ പരിക്കേറ്റ വിദ്യാർഥിയുടെ പരിക്ക് ഗുരുതരം

മേപ്പയൂർ: കഴിഞ്ഞ ദിവസങ്ങളിൽ മേപ്പയൂരിലുണ്ടായ സി.പി.എം--ലീഗ് സംഘർഷത്തിനിെട മർദനമേറ്റ വിദ്യാർഥിയുടെ പരിക്ക് ഗുരുതരം. കർണപുടത്തിന് ഗുരുതര പരിക്കേറ്റ ഉദയ കോളജിലെ പ്ലസ് ടു വിദ്യാർഥി മേപ്പയൂർ പടിക്കൽ അഷ്റഫി​െൻറ മകൻ മുഹമ്മദ് ഫെബിൻ (17) കോഴിക്കോട്ടെ സ്വകാര്യ ആശുപത്രിയിൽ ചികിത്സയിലാണ്. രാഷ്ട്രീയസമ്മർദത്തെ തുടർന്ന്, നിരപരാധിയായ മകനെ മർദിച്ച പ്രതികളെ അറസ്റ്റ് ചെയ്യുന്നതിൽ പൊലീസ് അനാസ്ഥ കാണിക്കുകയാണെന്ന് ഫെബി​െൻറ ഉമ്മയും ബന്ധുക്കളും ആരോപിച്ചു. എന്നാൽ, പ്രതിക്കെതിരെ വധശ്രമത്തിന് കേസെടുത്തിട്ടുണ്ടെന്നും പ്രതി ഒളിവിലാണെന്നും അന്വേഷണം ഉൗർജിതമാണെന്നും മേപ്പയൂർ എസ്.ഐ യൂസുഫ് നടുത്തറമ്മേൽ പറഞ്ഞു.