നബിദിനം

മീലാദ് റാലി എട്ടിന് കൽപറ്റയിൽ കൽപറ്റ: ഈ വർഷത്തെ മീലാദ് ആഘോഷങ്ങളോടനുബന്ധിച്ച് കേരള മുസ്ലിം ജമാഅത്ത് സംസ്ഥാന വ്യാപകമായി സംഘടിപ്പിക്കുന്ന 'മുത്തു നബി മാനവിക മാതൃക' മീലാദ് കാമ്പയി​െൻറ ഭാഗമായി കേരള മുസ്ലിം ജമാഅത്ത് കൽപറ്റ സോൺ കമ്മിറ്റിയുടെ നേതൃത്വത്തിൽ വെള്ളിയാഴ്ച കൽപറ്റയിൽ ബഹുജന മീലാദ്റാലി നടത്തും. വൈകീട്ട് മൂന്നിന് കൽപറ്റ അൽഫലാഹ് കോംപ്ലക്സ് മസ്ജിദിൽ മൗലിദ്സദസ്സിന് കേരള മുസ്ലിം ജമാഅത്ത് ജില്ല പ്രസിഡൻറ് എം. അബ്ദുറഹിമാൻ മുസ്ലിയാർ, എം.കെ. മുത്തുകോയ തങ്ങൾ, ഫദ്ൽ അൽജിഫ്രി, കെ.കെ. മുഹമ്മദലി ഫൈസി, കെ.ടി. കുഞ്ഞി മൊയ്തീൻ സഖാഫി, ബഷീർ സഖാഫി പിണങ്ങോട്, ഹാഫിള് റാശിദ് സഖാഫി എന്നിവർ നേതൃത്വം നൽകും. നാലു മണിക്ക് കോംപ്ലക്സ് മസ്ജിദ് പരിസരത്തുനിന്ന് ആരംഭിക്കുന്ന മീലാദ് റാലി നഗരം ചുറ്റി വൈകീട്ട് അഞ്ചിന് വിജയ പമ്പ് പരിസരത്ത് സമാപിക്കും. തുടർന്ന് മാനവിക സംഗമം നടക്കും. നബിദിനാഘോഷം റിപ്പൺ: വാളത്തൂർ ഹിദായത്തുൽ മുസ്ലിമീൻ സംഘത്തി​െൻറ ആഭിമുഖ്യത്തിൽ നബിദിന റാലി സംഘടിപ്പിച്ചു. റാലിക്ക് മഹല്ല് കമ്മിറ്റി ഭാരവാഹികളായ സി.ടി. കുഞ്ഞുമൊയ്തീൻ, പി.പി. മുഹമ്മദ് ഹാജി, ഖത്തീബ് മുഹമ്മദ് ബഷീർ ബാഫി, പങ്ങിൽ മമ്മു ഹാജി എന്നിവർ നേതൃത്വം നൽകി. മേപ്പാടി: താഞ്ഞിലോട് മുസ്ലിം ജമാഅത്ത് കമ്മിറ്റിയുടെ ആഭിമുഖ്യത്തിൽ നബിദിന റാലി സംഘടിപ്പിച്ചു. മുഹമ്മദ് അബ്ദുൽ സലാം സഖാഫി, മജീദ് ബാഖവി, പി. മുഹമ്മദ് ഹാജി, എ.കെ. അസീസ് എന്നിവർ റാലിക്ക് നേതൃത്വം നൽകി.