കായികപ്രതിഭകളെ ആദരിച്ചു

മുക്കം: സംസ്ഥാന സ്കൂൾ കായികമേളയിൽ വിജയം നേടിയ മുക്കം ഉപജില്ലയിലെ കായികതാരങ്ങൾ, സ്കൂൾതലത്തിൽ രണ്ടാം സ്ഥാനം നേടിയ പുല്ലൂരാംപാറ സ​െൻറ് ജോസഫ് ഹയർ സെക്കൻഡറി സ്കൂൾ കായികാധ്യാപിക ജോളിതോമസ്, മലബാർസ്പോർട്സ് അക്കാദമി എന്നിവയെ ഒയിസ്ക മുക്കം ചാപ്റ്ററി​െൻറ നേതൃത്വത്തിൽ ആദരിച്ചു. മുക്കം എസ്.കെ പാർക്കിൽ നഗരസഭ ചെയർമാൻ വി. കുഞ്ഞൻ ഉദ്ഘാടനം ചെയ്തു. ഒയിസ്ക പ്രസിഡൻറ് കൊറ്റങ്ങൽ സുരേഷ് ബാബു അധ്യക്ഷത വഹിച്ചു. ഒയിസ്ക സൗത്ത് ഇന്ത്യൻ ചാപ്റ്റർ സെക്രട്ടറി ജനറൽ അരവിന്ദ് ബാബു മുഖ്യാതിഥിയായി. നഗരസഭ കൗൺസിലർ മുക്കം വിജയൻ, മലബാർസ്പോർട്സ് അക്കാദമിയിലെ ടി.ടി. കുര്യൻ, പുല്ലൂരാംപാറ സ​െൻറ് ജോസഫ് സ്കൂൾ അധ്യാപകരായ ജോളി തോമസ്, കെ. പ്രമോദ്, ഒയിസ്ക കലിക്കറ്റ് ചാപ്റ്റർ വൈസ് പ്രസിഡൻറ് ഫിലിപ്, കായികതാരം മുഹമ്മദ് ഹിഷാം എന്നിവർ സംസാരിച്ചു. പ്രോഗ്രാം കമ്മിറ്റി കൺവീനർ ബെന്നി ജോസ് സ്വാഗതവും ഒയിസ്ക സെക്രട്ടറി ബഷീർ ചാലിൽ നന്ദിയും പറഞ്ഞു.