25 വ​ർ​ഷ​ത്തി​നു​ ശേ​ഷം വീ​ര​പ്പ​െ​ൻ​റ കൂ​ട്ടാ​ളി പി​ടി​യി​ൽ

ബംഗളൂരു: പാലാർ ബോംബ് സ്ഫോടന കേസിലെ പ്രതിയും വീരപ്പ​െൻറ കൂട്ടാളിയുമായിരുന്നയാൾ ചാമരാജ് നഗറിൽ കർണാടക പൊലീസി​െൻറ പിടിയിലായി. കാട്ടുകൊള്ളക്കാരൻ വീരപ്പ​െൻറ കൂടെ നിരവധി ഒാപറേഷനുകളിൽ പെങ്കടുത്ത ഡമ്പ്ൾ ഗുണ്ടി എന്ന ശിവസാമിയെയാണ് (52) രാമപുര പൊലീസ് അറസ്റ്റ് ചെയ്തത്. കർണാടകയിലെ പാലാറിൽ സ്പെഷൽ ടാസ്ക് ഫോഴ്സ് ടീമിനു നേരെ വീരപ്പ​െൻറ സംഘം നടത്തിയ കുഴിബോംബ് ആക്രമണത്തിൽ 22 പേർ കൊല്ലപ്പെട്ടിരുന്നു. 1993 ഏപ്രിൽ ഒമ്പതിനാണ് കേസിന് ആസ്പദമായ സംഭവം. തമിഴ്നാട്ടിൽ നിരവധി കേസുകളിലും ഇയാൾ പ്രതിയാണ്. 2004ൽ വീരപ്പൻ കൊല്ലപ്പെട്ട ശേഷം സംഘാംഗങ്ങളിൽ പലരും പൊലീസ് പിടിയിലായിരുന്നു. പൊലീസി​െൻറ കണ്ണുവെട്ടിച്ച് ചാമരാജ് നഗർ ജില്ലയിലെ കുഗ്രാമത്തിൽ നെയ്ത്തുജോലിയുമായി കഴിയുകയായിരുന്നു ശിവസാമി. 1992ൽ ഹന്നൂരിലെ ഖനി മുതലാളിയായിരുന്ന സാമ്പംഗി രാമയ്യയുടെ മകൻ രാമമൂർത്തിയെ തട്ടിക്കൊണ്ടുപോയ കേസിലും ശിവസാമി പ്രതിയാണ്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.