'ചിത്രകല അധ്യാപകരുടെ നിയമനം നടത്തണം'

കോഴിക്കോട്: അനിശ്ചിതത്വത്തിലായ സംസ്ഥാനത്തെ 572 സംഗീത, ചിത്രകല അധ്യാപകരുടെ നിയമനം എത്രയും വേഗം നടത്താൻ നടപടി സ്വീകരിക്കണമെന്ന് ആർട്ട് ആൻഡ് ഫിസിക്കൽ എജുക്കേറ്റേഴ്സ് അസോസിയേഷൻ ഭാരവാഹികൾ വാർത്തസമ്മേളനത്തിൽ ആവശ്യപ്പെട്ടു. ഹൈകോടതിയിൽ സ്റ്റേ നിലനിൽക്കുന്നതിനാൽ യു.പി സ്കൂളുകളിൽ എസ്.എസ്.എ വഴി നിയമനം ലഭിക്കേണ്ട അധ്യാപകരാണ് ദുരിതം അനുഭവിക്കുന്നത്. കൂടിക്കാഴ്ച കഴിഞ്ഞ് കാത്തിരിക്കുന്ന സംഗീത, ചിത്രകല ഉദ്യോഗാർഥികളുടെ ജോലിയും ഇതിനായി അനുവദിക്കുന്ന ഫണ്ടും ഇതുമൂലം നഷ്ടപ്പെടുകയാണെന്നും ഭാരവാഹികൾ ചൂണ്ടിക്കാട്ടി. ആവശ്യം ഉന്നയിച്ച് സംഘടനയുടെ ആഭിമുഖ്യത്തിൽ തിരുവോണ ദിനത്തിൽ കൽപറ്റയിൽ ഉപവസിക്കും. പി.വി. മനോജ്, എബി േജാർജ്, െഎ.ആർ. വൈശാഖ്, കെ.വി. സജേഷ് എന്നിവർ വാർത്തസമ്മേളനത്തിൽ പെങ്കടുത്തു.