ഡി.സി കിഴക്കെമുറി സ്​മാരക പ്രഭാഷണം ഇന്ന്​

കോഴിക്കോട്: ഡി.സി ബുക്സ് സംഘടിപ്പിക്കുന്ന 19ാമത് ഡി.സി കിഴക്കെമുറി സ്മാരക പ്രഭാഷണം ഇൗമാസം 29ന് വൈകിട്ട് 5.30ന് ടൗൺഹാളിൽ നടക്കും. 'ആധുനിക തമിഴ് സാഹിത്യം; ഒരു വിമർശനാത്മക വായന' എന്ന വിഷയത്തിൽ പ്രശസ്ത തമിഴ് എഴുത്തുകാരൻ പെരുമാൾ മുരുകൻ പ്രഭാഷണം നടത്തുമെന്ന് പബ്ലിക്കേഷൻ മാനേജർ എ.വി. ശ്രീകുമാർ, ഷാഹിന ബഷീർ എന്നിവർ വാർത്തസമ്മേളനത്തിൽ പറഞ്ഞു. സാംസ്കാരിക സമ്മേളനം എം.ജി.എസ്. നാരായണൻ ഉദ്ഘാടനം ചെയ്യും. കലക്ടർ യു.വി. ജോസ് അധ്യക്ഷത വഹിക്കും. പെരുമാൾ മുരുകൻ എഴുതിയ കീഴാളൻ, ബെന്യാമി​െൻറ പുതിയനോവൽ മാന്തളിരിലെ 20 കമ്യൂണിസ്റ്റ് വർഷങ്ങൾ, മണമ്പൂർ രാജൻബാബു എഡിറ്റ് ചെയ്ത കുറുമൊഴി, കെ. വേണു എഴുതിയ പ്രകൃതി, ജനാധിപത്യം, സ്വാതന്ത്ര്യം എന്നീ പുസ്തകങ്ങൾ പ്രകാശിതമാകും.