മാല മോഷണ​േക്കസിൽ തമിഴ് യുവതികളെ പിടികൂടി

പന്തീരാങ്കാവ്: ബസ് യാത്രക്കാരിയുടെ മാല പൊട്ടിച്ച കേസിൽ രണ്ട് തമിഴ് യുവതികളെ പിടികൂടി. പഴനി സ്വദേശിനികളായ ശെൽവി ( 27), കവിത (25) എന്നിവരാണ് നല്ലളം പൊലീസി​െൻറ പിടിയിലായത്. ശനിയാഴ്ച വൈകീട്ട് പെരുമണ്ണ- മെഡിക്കൽ കോളജ് റൂട്ടിലോടുന്ന ബസിൽനിന്നാണ് യാത്രക്കാരിയുടെ നാലര പവൻ നഷ്ടപ്പെട്ടത്. സംശയം തോന്നിയതിനെ തുടർന്ന് യാത്രക്കാർ പരിശോധിക്കുന്നതിനിടെ ഇവർ പന്തീരാങ്കാവ് വഴിയുള്ള ബസിൽ മാറിക്കയറുകയായിരുന്നു. തുടർന്ന് മോഷണം പുറത്താവുമെന്ന് ഉറപ്പായതോടെ ഇവർ പൊട്ടിച്ച മാല ബസിൽനിന്ന് പുറത്തെറിഞ്ഞു. തിരച്ചിൽ നടത്തിയ യാത്രക്കാർക്ക് ഒരുഭാഗം തിരിച്ചുകിട്ടി. പുളേങ്കര സ്വദേശിനിയുടേതാണ് മാല. ഏറെക്കാലമായി തൃശൂർ റെയിൽവേ സ്റ്റേഷനോട് ചേർന്നാണ് ഇവർ താമസിക്കുന്നത്.