സ്വയംതൊഴിൽ സംരംഭകർക്ക് ഓൺലൈൻ രജിസ്​േട്രഷൻ

കോഴിക്കോട്: സംസ്ഥാന പിന്നാക്കവിഭാഗ വികസന കോർപറേഷൻ ഒ.ബി.സി, മതന്യൂനപക്ഷ വിഭാഗത്തിൽപെട്ടവരിൽ നിന്ന് തൊഴിൽസംരംഭങ്ങൾ ആരംഭിക്കുന്നതിനുള്ള ഓൺലൈൻ രജിസ്േട്രഷൻ സംവിധാനം നിലവിലുണ്ട്. അപേക്ഷകർ 18 നും 55 നും മധ്യേ പ്രായമുള്ളവരായിരിക്കണം. ഒ.ബി.സി വിഭാഗത്തിൽപെട്ടവരുടെ കുടുംബ വാർഷിക വരുമാനം ഗ്രാമ പ്രദേശങ്ങളിൽ 98,000 രൂപയിലും നഗരപ്രദേശങ്ങളിൽ 1,20,000 രൂപയിൽ താഴെയായിരിക്കണം. മതന്യൂനപക്ഷ വിഭാഗങ്ങളിൽെപട്ടവർക്ക് (മുസ്ലിം, ക്രിസ്ത്യൻ മുതലായവ) വരുമാനപരിധി പരമാവധി ആറ് ലക്ഷം രൂപവരെയാണ്. ഒ.ബി.സി വിഭാഗക്കാർക്ക് 10 ലക്ഷം രൂപവരെയും മതന്യൂനപക്ഷ വിഭാഗത്തിൽെപട്ടവർക്ക് 30 ലക്ഷം രൂപവരെയും വായ്പ ലഭിക്കും. പലിശനിരക്ക് ആറ് മുതൽ എട്ട് ശതമാനം വരെ. മെഡിക്കൽ ക്ലിനിക്, വെറ്ററിനറി ക്ലിനിക്, ഫിറ്റ്നെസ് സ​െൻറർ, മെഡിക്കൽ ലബോറട്ടറി, സിവിൽ എൻജിനീയറിങ് കൺസൾട്ടൻസി, ബ്യൂട്ടിപാർലർ, എൻജിനീയറിങ് വർക്ക് ഷോപ്, കമ്പ്യൂട്ടർ െട്രയിനിങ് സ​െൻറർ, സോഫ്റ്റ്്വെയർ കൺസൾട്ടൻസി, ഫാം നഴ്സറി, െഡയറി ഫാം, ഗോട്ട്് ഫാം, ഡിജിറ്റൽ സ്റ്റുഡിയോ, വിഡിയോ െപ്രാഡക്ഷൻ യൂനിറ്റ്, എഡിറ്റിങ് സ്റ്റുഡിേയാ, ഒാട്ടോമൊബൈൽ വർക്ക് ഷോപ്പ്, റെഡിമെയ്ഡ് ഗാർമെൻസ് യൂനിറ്റ്, ഫുഡ് േപ്രാസസിങ്, മിനി ടൂറിസം യൂനിറ്റുകൾ, ബേക്കറി, റസ്റ്റാറൻറുകൾ, ടാക്സി/പിക്അപ് വാഹനങ്ങൾ തുടങ്ങിയ ലാഭക്ഷമതയോടെയും നിയമപരമായും നടത്താൻ പറ്റുന്ന ഏതുസംരംഭത്തിനും വായ്പ നൽകും. താൽപര്യമുള്ളവർ www.ksbcdc.com എന്ന വെബ്സൈറ്റിൽ ഓൺലൈൻ രജിസ്േട്രഷൻ നടത്തേണ്ടതാണ്. ഇത്തരത്തിൽ രജിസ്റ്റർ ചെയ്യുന്നവരെ ജില്ല, ഉപജില്ല ഓഫിസുകളിൽ നിന്നും ബന്ധപ്പെട്ട് വായ്പ ലഭ്യമാക്കുന്നതിനുള്ള തുടർ നടപടികൾ സ്വീകരിക്കും.