കിഴക്കേതലക്കൽ അബ്്ദുൽ അസീസ്​ ചികിത്സ സഹായ കമ്മിറ്റി

നന്മണ്ട: മസ്തിഷ്കാഘാതത്തെ തുടർന്ന് ചികിത്സയിൽ കഴിയുന്ന നിർധന കുടുംബാംഗമായ കുട്ടമ്പൂരിലെ കിഴക്കേതലക്കൽ അബ്ദുൽ അസീസി​െൻറ (49) ചികിത്സ സഹായത്തിനായി നാട്ടുകാർ കമ്മിറ്റി രൂപവത്കരിച്ചു. തലച്ചോറിന് ശസ്ത്രക്രിയ നടത്തുന്നതിനും തുടർചികിത്സക്കും 15 ലക്ഷത്തോളം രൂപ ചെലവ് വരുമെന്നാണ് ഡോക്ടർമാർ പറയുന്നത്. കൂലിവേല ചെയ്താണ് അബ്ദുൽ അസീസ് കുടുംബം പുലർത്തിയിരുന്നത്. ഭാര്യയും രണ്ടു കുട്ടികളുമടങ്ങുന്ന കുടുംബം ആശ്രയമറ്റ സ്ഥിതിയിലാണ്. കാക്കൂർ ഗ്രാമപഞ്ചായത്ത്് അംഗം കെ.കെ. വിശ്വംഭരൻ (ചെയർ), മേലേടത്ത് ബഷീർ (കൺ), കഴുത്തൂട്ടിയിൽ സുരേന്ദ്രൻ (ട്രഷ), മേലേടത്ത്് മുഹമ്മദ് (വർക്കിങ് പ്രസി) എന്നിവരടങ്ങുന്നതാണ് കമ്മിറ്റി. പഞ്ചാബ് നാഷനൽ ബാങ്ക് നന്മണ്ട ശാഖയിൽ 4321000100135253 (ഐ.എഫ്.എസ്.സി 0432100) എന്ന നമ്പറിൽ അക്കൗണ്ട് തുടങ്ങിയിട്ടുണ്ട്്. ഫോൺ: 9447951509.