വ്യാജരേഖ ചമച്ച്​ അപകീർത്തിപ്പെടുത്തൽ: മുൻ ഡി.ഇ.ഒ അടക്കം നാലു പേർക്കെതിരെ കേസ്​

കോഴിക്കോട്: വ്യാജരേഖയുണ്ടാക്കി സ്കൂൾ വിദ്യാർഥിയെ അപകീർത്തിപ്പെടുത്തിയ പരാതിയിൽ മുൻ ഡി.ഇ.ഒ അടക്കം നാലു പേർക്കെതിരെ കേസെടുത്ത് അന്വേഷണം തുടങ്ങി. മടവൂർ ചക്കാലക്കൽ ഹൈസ്കൂളിലെ പൂർവ വിദ്യാർഥി നഇൗം നൗഫലി​െൻറ ഹരജിയിൽ കുന്ദമംഗലം ഒന്നാം ക്ലാസ് മജിസ്ട്രേറ്റ് കോടതിയാണ് കേസെടുക്കാൻ ഉത്തരവിട്ടത്. താമരശ്ശേരി മുൻ ഡി.ഇ.ഒ കെ.ടി ഹരിദാസ്, ചക്കാലക്കൽ ഹൈസ്കൂൾ അധ്യാപകരായ പി. ഉഷ, കെ. അഹമ്മദ് കോയ, മുൻ ഹെഡ്മാസ്റ്റർ എൻ.പി അബ്ദുൽ ഗഫൂർ എന്നിവർക്കെതിരെയാണ് കേസ്. 2013 മുതൽ 15 വരെ ചക്കാലക്കൽ ഹൈസ്കൂളിൽ നഇൗം പഠിക്കുേമ്പാൾ പി. ഉഷ, അഹമ്മദ് കോയ എന്നീ അധ്യാപകർ മാനസികമായി പീഡിപ്പിെച്ചന്നാണ് പരാതി. ഇതിനെതിരെ ബാലാവകാശ കമീഷനിലടക്കം നഇൗമി​െൻറ പിതാവ് നൗഫൽ പരാതിയും നൽകി. പരാതികൾ തെറ്റാണെന്ന് തെളിയിക്കാൻ താമരശ്ശേരി ഡി.ഇ.ഒ ആയിരുന്ന ഹരിദാസും ഹെഡ്മാസ്റ്ററായിരുന്ന എൻ.പി. അബ്ദുൽ ഗഫൂറും വ്യാജരേഖകൾ ചമെച്ചന്നാണ് കേസ്.