സര്‍വിസ് പെന്‍ഷനേഴ്‌സ് അസോസിയേഷൻ സമ്മേളനം

കോഴിക്കോട്: കേരള പ്രൈമറി കോഓപറേറ്റിവ് സര്‍വിസ് പെന്‍ഷനേഴ്‌സ് അസോസിയേഷന്‍ സംസ്ഥാന സമ്മേളനം 25, 26 തീയതികളില്‍ കോഴിക്കോട്ട് നടക്കുമെന്ന് സംസ്ഥാന വൈസ് പ്രസിഡൻറ് എൻ.കെ. രാമകൃഷ്ണന്‍ വാർത്തസമ്മേളനത്തില്‍ അറിയിച്ചു. 25ന് 3.30ന് നളന്ദയില്‍ വിഷയനിർണയ കമ്മിറ്റി യോഗം ചേരും. 26ന് രാവിലെ 10ന് നടക്കുന്ന സമ്മേളനം മുല്ലപ്പള്ളി രാമചന്ദ്രന്‍ എം.പി ഉദ്ഘാടനം ചെയ്യും. പ്രതിനിധി സമ്മേളനം ഉച്ചക്ക് രണ്ടിന് എം.കെ. രാഘവന്‍ എം.പിയും സാംസ്‌കാരിക സമ്മേളനം എം.കെ. മുനീര്‍ എം.എൽ.എയും ഉദ്ഘാടനം ചെയ്യും. സമാപനസമ്മേളനത്തി​െൻറ ഉദ്ഘാടനം 3.30ന് രമേശ് ചെന്നിത്തല നിര്‍വഹിക്കും. വാർത്തസമ്മേളനത്തില്‍ സെക്രട്ടറിമാരായ ടി.കെ. ബാലൻ, വി. സുന്ദരൻ, ജില്ല പ്രസിഡൻറ് ടി. കൃഷ്ണന്‍ എന്നിവർ പങ്കെടുത്തു.