സ്​പെഷൽ സ്​കൂൾ: മൂന്നാം ബ്ലോക്കിനും തറക്കല്ലിട്ടു

കുറ്റ്യാടി: പാലേരി വടക്കുമ്പാട് ഭിന്നശേഷിക്കാർക്ക് നിർമിക്കുന്ന 'തണൽ- കരുണ' സ്പെഷൽ സ്കൂളി​െൻറ മൂന്നാമത്തെ ബ്ലോക്കിന് മസ്കത്തിലെ വ്യാപാരി വി.ടി. വിനോദ് തറക്കല്ലിട്ടു. എട്ട്കോടി രൂപ ചെലവിലാണ് മൂന്ന് കെട്ടിടങ്ങൾ നിർമിക്കുന്നത്. അന്താരാഷ്ട്ര നിലവാരമുള്ള സ്കൂളിന് സ്ഥലവും കെട്ടിടങ്ങളും വിവിധ വ്യക്തികൾ സ്പോൺസർ ചെയ്തതാണ്. ഡോ. വി. ഇദ്രീസ് അധ്യക്ഷത വഹിച്ചു. ചങ്ങരോത്ത് പഞ്ചായത്ത് പ്രസിഡൻറ് കെ.കെ. ആയിശ, വാർഡ് മെംബർ ഹൈറുന്നിസ, ഇ.പി. കുഞ്ഞബ്ദുല്ല, എം. അബ്ദുസ്സമദ്, ടി.കെ. മോഹൻദാസ്, അബ്ദുല്ല സൽമാൻ, പി.എം. യൂസുഫ്, കെ.എം. മുഹമ്മദലി എന്നിവർ സംസാരിച്ചു.