വാഹനപരിശോധന; 3.82 ലക്ഷം പിഴ ഈടാക്കി

കോഴിക്കോട്: ഇൗമാസം 18 വരെ മോട്ടോർ വാഹന വകുപ്പ് പരിശോധനയിൽ ജില്ലയിൽ മൊത്തം 343 നിയമലംഘനങ്ങൾ കണ്ടെത്തി. 3,82,600 രൂപ പിഴയിനത്തിൽ ഈടാക്കി. അനധികൃത വാഹന പാർക്കിങ് നടത്തിയ 15 കേസുകളും സ്പീഡ് ഗവേണർ ഉപയോഗിക്കാത്ത ഒമ്പതു കേസുകളും കണ്ടെത്തി. കൂടാതെ റോഡ് നിയമം പാലിക്കാത്ത 144 കേസുകൾക്കും പിഴയീടാക്കി. ഉത്തരമേഖല ഡെപ്യൂട്ടി ട്രാൻസ്പോർട്ട് കമീഷണറുടെ പ്രത്യേക നിർദേശപ്രകാരം കോഴിക്കോട് മേഖലയിൽ നടത്തിയ സോണൽ പരിശോധനയിൽ 826 വാഹനങ്ങളിൽ നിയമലംഘനം കണ്ടെത്തി 4,30,400 രൂപ പിഴ ഈടാക്കി.