കോരൻകണ്ടി അംഗൻവാടിക്ക്​ പുതിയ കെട്ടിടം

കുന്ദമംഗലം: കുന്ദമംഗലം പഞ്ചായത്തിലെ 23ാം വാർഡിൽ കോരൻകണ്ടി അംഗൻവാടിക്ക് പുതിയ കെട്ടിടമായി. ബ്ലോക്ക് പഞ്ചായത്ത് പ്രസിഡൻറ് രമ്യ ഹരിദാസ് ഉദ്ഘാടനം ചെയ്തു. കുന്ദമംഗലം േബ്ലാക്ക് പഞ്ചായത്തും ഗ്രാമപഞ്ചായത്തും 8.5 ലക്ഷം രൂപ ചെലവഴിച്ചാണ് കെട്ടിടം പൂർത്തീകരിച്ചത്. ഗ്രാമപഞ്ചായത്തംഗം എം. ബാബുമോൻ, വൈസ് പ്രസിഡൻറ് വിനോദ് പടനിലം, കെ.പി. കോയ, യു.സി. ബുഷ്റ, അസ്ബിജ സക്കീർ ഹുസൈൻ, ഉസ്സയിൻ, ബാബു നെല്ലൂളി, ടി.പി. നിധീഷ്, ടി. ചക്രായുധൻ, രവീന്ദ്രൻ കീപ്പോട്ടിൽ, എ. അരുൺലാൽ, ലത എന്നിവർ സംസാരിച്ചു.