ആർ.എസ്​.എസ്​ ആക്രമണത്തിനെതിരെ നടപടിവേണം ^എൻ.വൈ.എൽ

ആർ.എസ്.എസ് ആക്രമണത്തിനെതിരെ നടപടിവേണം -എൻ.വൈ.എൽ കോഴിക്കോട്: ലഘുലേഖകൾ വിതരണം ചെയ്യുന്നതിനിടയിൽ പറവൂരിൽ ഗ്ലോബൽ വിസ്ഡം (മുജാഹിദ് വിഭാഗം) പ്രവർത്തകർ അന്യായമായി ആർ.എസ്.എസ് ക്രിമിനലുകളാൽ ൈകയേറ്റം ചെയ്യപ്പെട്ട സംഭവം ഗൗരവതരവും പ്രതിഷേധാർഹവുമാണെന്ന് നാഷനൽ യൂത്ത് ലീഗ് അഖിലേന്ത്യ ജനറൽ കൺവീനർ സി.പി. അൻവർ സാദത്തും കൺവീനർ ഫാദിൽ അമീനും സംയുക്ത പ്രസ്താവനയിൽ പറഞ്ഞു. വിയോജിപ്പുള്ളവർ പ്രതിഷേധിക്കേണ്ടതും പ്രതികരിക്കേണ്ടതും നിയമപരമായിട്ടാണ്. എന്നാൽ, ലഘുലേഖ വിതരണം ചെയ്തവരെ വളഞ്ഞിട്ട് ൈകയേറ്റം ചെയ്യുന്നത് ദൃശ്യങ്ങളിൽ വ്യക്തമാണ്. നരേന്ദ്ര മോദി ഭരണത്തിൽ ഉത്തരേന്ത്യൻ സംസ്ഥാനങ്ങളിൽ സംഘ്പരിവാർ നടത്തുന്ന ആൾക്കൂട്ട ആക്രമണത്തി​െൻറ കേരള പതിപ്പാണ് പറവൂർ സംഭവം. സംഭവവുമായി ബന്ധപ്പെട്ട് സോഷ്യൽ മീഡിയകളിൽ തെറ്റിദ്ധാരണ പരത്തുന്ന പലതും പ്രചരിപ്പിക്കപ്പെടുന്നത് ഗൗരവമായി കാണണമെന്നും ഭാരവാഹികൾ പറഞ്ഞു.