കുഞ്ഞുങ്ങളുടെ കൂട്ടമരണം: കുട്ടികളുടെ മൗനജാഥ

നടുവണ്ണൂർ: ഉത്തർപ്രദേശിലെ ഗോരഖ്പുരിൽ പിഞ്ചു കുഞ്ഞുങ്ങളുടെ കൂട്ടക്കുരുതിക്കെതിരെ കോട്ടൂർ മണ്ഡലം ജവഹർ ബാലജനവേദിയുടെ നേതൃത്വത്തിൽ കൂട്ടാലിട അങ്ങാടിയിൽ വായ മൂടിക്കെട്ടി പ്രതിഷേധ മൗനറാലിയും സ്നേഹദീപ സമർപ്പണവും നടത്തി. പൊതുസമ്മേളനം മണ്ഡലം കോൺഗ്രസ് പ്രസിഡൻറ് കെ.കെ. അബൂബക്കർ ഉദ്ഘാടനം ചെയ്തു. ജവഹർ ബാലജനവേദി മണ്ഡലം ചെയർമാൻ ബിയേഷ് തിരുവോട് അധ്യക്ഷത വഹിച്ചു. ജമാൽ പാലോളി, പ്രിയേഷ് തിരുവോട്, അഖിൽ കോട്ടൂർ, പി.സി. മിഥുൻ, വിഘ്നേഷ് കൂട്ടാലിട, അർജുൻ പൂനത്ത്, അസ്കർ വാകയാട്, ഉണ്ണി അച്ചുത് വിഹാർ, ശശി പാലോളി, സി. കുഞ്ഞികൃഷ്ണൻ നായർ തുടങ്ങിയവർ സംസാരിച്ചു.