കടവനാട് കുട്ടികൃഷ്ണനെ അനുസ്മരിച്ചു

കോഴിക്കോട്: കവിയും പത്രപ്രവര്‍ത്തകനുമായ കടവനാട് കുട്ടികൃഷ്ണ​െൻറ 25-ാം ചരമവാര്‍ഷിക ദിനത്തില്‍ സഹപ്രവര്‍ത്തകരും സുഹൃത്തുക്കളും ബന്ധുക്കളും അനുസ്മരിച്ചു. ഡോ. എം.ജി.എസ്. നാരായണന്‍ അധ്യക്ഷത വഹിച്ചു. സ്നേഹവാത്സല്യമുള്ള കവിയായിരുന്നു കടവനാടെന്ന് എം.ജി.എസ് പറഞ്ഞു. തലമുറകളെ സാഹിത്യരംഗത്തെത്തിച്ച കവിയായിരുന്നു കടവനാട് കുട്ടികൃഷ്ണനെന്ന് അനുസ്മരണ പ്രഭാഷണം നടത്തിയ കവി പി.പി. ശ്രീധരനുണ്ണി പറഞ്ഞു. കെ. അബൂബക്കർ, മലയത്ത് അപ്പുണ്ണി, ആര്‍ട്ടിസ്റ്റ് മദനൻ, വീരാന്‍കുട്ടി, കെ.എഫ്. ജോര്‍ജ്, എ. അരവിന്ദ്ബാബു, ഹരിശങ്കര്‍ എന്നിവര്‍ സംസാരിച്ചു. പി. ദാമോദരന്‍ സ്വാഗതവും പുറന്തോടത്ത് ഗംഗാധരന്‍ നന്ദിയും പറഞ്ഞു.