ഹാദിയ കേസ്: സർക്കാർ നിലപാട്​ പ്രതിഷേധാർഹം ^ജി.ഐ.ഒ

ഹാദിയ കേസ്: സർക്കാർ നിലപാട് പ്രതിഷേധാർഹം -ജി.ഐ.ഒ കോഴിക്കോട്: ഹാദിയ കേസില്‍ സുപ്രീംകോടതിക്കുമുന്നില്‍ എൻ.ഐ.എ അന്വേഷണത്തിന് സമ്മതം നല്‍കിയ സര്‍ക്കാര്‍ നിലപാട് പ്രതിഷേധാര്‍ഹമാണെന്ന് ഗേള്‍സ്‌ ഇസ്ലാമിക് ഓര്‍ഗനൈസേഷന്‍ കേരള സെക്രേട്ടറിയറ്റ് അഭിപ്രായപ്പെട്ടു. ഈ വിഷയത്തിലെ സര്‍ക്കാര്‍ നിലപാട് പുനഃപരിശോധിക്കണമെന്ന് ആവശ്യപ്പെട്ട് ജി.ഐ.ഒ യുടെ നേതൃത്വത്തില്‍ മുഖ്യമന്ത്രിക്ക് ജനകീയ ഹരജി സമർപ്പിക്കുമെന്ന് പ്രസിഡൻറ് ആഫീദ അഹമ്മദ് പറഞ്ഞു. ഒരു വിഭാഗത്തി‍​െൻറ മൗലികാവകാശങ്ങള്‍ ചോദ്യം ചെയ്യപ്പെടുന്നത് അംഗീകരിക്കാന്‍ ആവില്ലെന്ന് സെക്രേട്ടറിയറ്റ് വ്യക്തമാക്കി. ജനറല്‍സെക്രട്ടറി ഫസ്ന മിയാൻ, വൈസ് പ്രസിഡൻറ് സുഹൈബ്, സുഹൈല ഫര്‍മീസ്, നാസിറ തയ്യില്‍ തുടങ്ങിയവര്‍ പങ്കെടുത്തു.