കിണറിടിഞ്ഞു

നന്മണ്ട: തുടർച്ചയായ മഴയിൽ കിണർ ഇടിഞ്ഞു. ബാലബോധിനി മലയിൽ പ്രശാന്തി ബാല​െൻറ കിണറാണ് ഇടിഞ്ഞത്. എട്ട് മീറ്റർ ആഴമുള്ള കിണറി​െൻറ ആറു മീറ്ററോളമാണ് തകർന്നത്. ആൾമറ തകരാതിരുന്നത് കൂടുതൽ ദുരന്തം ഒഴിവാക്കി. ശേഷിക്കുന്ന ഭാഗംകൂടി തകരുമോയെന്ന ഭീതിയിലാണ് വീട്ടുകാർ. അര ലക്ഷം രൂപയുടെ നഷ്ടം കണക്കാക്കുന്നു. നാട്ടുപാതയുടെ ഇരുവശവും കാടുമൂടി നന്മണ്ട: നാട്ടുപാതകളുടെ ഇരുവശവും കാടുമൂടി കിടക്കുന്നത് കാൽനടക്കാർക്ക് ഭീഷണിയായി മാറുന്നു. ഗ്രാമപഞ്ചായത്ത് 11ാം വാർഡിലുൾപ്പെട്ട ഇടത്തിൽതാഴം കണ്ടിയോത്ത്താഴം നാട്ടുപാത (തോട് വരമ്പ്) ആണ് പുല്ല് നിറഞ്ഞത്. പാതയുടെ ഒരുഭാഗം തോടും മറുഭാഗം വയലുമാണ്. ഇഴജീവികളുടെ വിഹാര കേന്ദ്രമാണിവിടം. നാഷനൽ സ്കൂളിനടുത്തുനിന്ന് കാരക്കുന്നത്ത് കുട്ടമ്പൂർ പ്രദേശങ്ങളിലേക്കുള്ള പ്രധാനപാതയും ഇതുതന്നെ. കാട് തെളിച്ച് സഞ്ചാരയോഗ്യമാക്കണമെന്ന പ്രദേശവാസികളുടെ ആവശ്യം അധികൃതർ ഇതുവരെ മാനിച്ചിട്ടില്ല.