സ്വാതന്ത്ര്യദിനാഘോഷം

മേപ്പയൂർ: കൊഴുക്കല്ലൂർ കെ.ജി.എം.എസ്.യു.പി സ്കൂളിൽ ധാനാധ്യാപകൻ വി. ജയരാജൻ പതാക ഉയർത്തി. സ്കൗട്ട്സ് ആൻഡ് ഗൈഡ്സ് പരേഡ് നടത്തി. വിദ്യാർഥികളെ അണിനിരത്തി ഇന്ത്യയുടെ ഭൂപടം നിർമിച്ചു. പി.ടി.എ പ്രസിഡൻറ് ഇ.കെ. ഗോപി അധ്യക്ഷത വഹിച്ചു. വി. സുനിൽ സ്വാതന്ത്ര്യസമര പ്രഭാഷണം നടത്തി. വിളയാട്ടൂർ: മൂട്ടപ്പറമ്പ് അംഗൻവാടിയിൽ വാർഡ്‌ മെംബർ പി.എം. ശോഭ പതാക ഉയർത്തി. അംഗൻവാടി ടീച്ചർ കെ.എം. ഗീത, കൂനിയത്ത് നാരായണൻ, എൻ. ശ്രീധരൻ, ചാത്തോത്ത് കുഞ്ഞിരാമൻ, കെ.കെ. അനുരാഗ്, എ.ടി. അരുൺജിത്ത്, സൂരജ് ലാൽ എന്നിവർ സംസാരിച്ചു. മേപ്പയൂർ: വിളയാട്ടൂർ ഗ്രാമീണ കലാവേദി നടത്തിയ പരിപാടിയിൽ പഞ്ചായത്ത് മെംബർ പി.എം. ശോഭ പതാക ഉയർത്തി. ക്വിസ് മത്സരവും പായസവിതരണവും നടത്തി. പ്രസിഡൻറ് കെ.കെ. അധ്യക്ഷത വഹിച്ചു. സെക്രട്ടറി എ.ടി. അരുൺജിത്ത് സ്വാഗതവും വൈസ് പ്രസിഡൻറ് എം.എം. നികേഷ് നന്ദിയും പറഞ്ഞു.